صباحي اؤيكو ياريشماسي حاققيندا
دوشنبه 10 تیر 1392
+0 به يه ن
بير اؤيكو ياريشماسي يولا سالديق:"صباحي اؤيكو ياريشماسي". بيلميرم نه قدر باشاريلي اولاجاقدير!؟ اما اينانيرام آذربايجانيميزين ادبياتي و فرهنگي اوغروندا هر آتديغيميز آدديم اؤنملي دير. بو ياريشمايا اؤزل بير وئبلاقدا يولا سالديق. دوستلاريميز بو وئبلاقا باش چكيب نظرلريني پايلاشيرلار. چوخ قونوشولان مساله ده ژوري هيئتي دير. بعض دوستلارين نظرلرينه گؤره بو هيئتين اويه لري ايندي دن بئللي اولمالي دير اما بعض دوستلار دا اونلاري ياريشمانين سونوندا تانيتديرماغي مصلحت گؤرورلر. هر حالدا بيز 15 نفرليك يازارلاريميزلا مصلحت له شيب و اونلار ايچيندن دؤرد يا بئش نفرين راضيليق آليب ژوري هيئتيميزين اويه لرين سئچديك. مصلحت گؤرونسه اونلاري ياخين گله جكده تانيتديراجاييق.